Hoofstuk Een
Gelei deur die Heilige Gees

Ons moet die boodskap van Christus uitneem na ons strate toe en die Heilige Gees toelaat om hande, voete en 'n stem te hê in hierdie wêreld. Die Heilige Gees wil jou gebruik om die Goeie Nuus te deel. Soos wat ons leer hoe om te getuig, kan ons saam leer. Ek leer nog steeds van die Heilige Gees hoe om te getuig telkens as ek strate toe gaan en deur te deel met ander wat langs my in die strate getuig. Soos wat jy meer van evangelisasie leer, laat die Heilige Gees toe om vir jou 'n groter werklikheid as jou beste vriend te wees. Laat jou getuienis 'n wyse van lewe word. Baie sal saam met 'n span op straat getuig en nooit by enige ander geleentheid getuig nie. Onthou die Here wil hê dat ons elke geleentheid sal benut om te getuig. Laat ons na die Heilige Gees luister en toelaat dat Sy lewe in ons s'n invloei en dan sal Hy ons lei in ons getuienis. Ons behoort sensitief te wees vir die Heilige Gees en die dringendheid hoor waarmee Hy met almal van ons spreek. Hy sê die tyd is kort en die arbeiders is min. Sal ons vandag begin gereedmaak om in die strate te getuig en van deur tot deur te gaan in die stede waar ons leef?

Romeine 13
11 En dit te meer, omdat ons die tydsomstandighede ken, dat die uur vir ons reeds daar is om uit die slaap wakker te word; want die saligheid is nou nader by ons as toe ons gelowig geword het.
12 Die nag het ver gevorder en dit is amper dag. Laat ons dan die werke van die duisternis aflê en die wapens van die lig aangord.

Hierdie vers word dikwels die Dagbreek van die Nuwe Dag genoem. Ek wonder of die tyd van daardie hemelse horlosie op hierdie oomblik op twee minute voor middernag staan. Ek is daarvan oortuig dat die aftelling etlike minute bereik het ten opsigte van hierdie wêreld soos ons dit ken. Die Here gaan ons vra om daarvan bewus te wees dat hierdie dag aanstonds afgesluit gaan word. Dit is belangrik dat ons daarvan bewus sal wees dat baie nie die volgende dagbreek sal sien nie, want die lewe is maar slegs 'n damp en daar is sommige wat selfs môre al die dood in die gesag gaan staar. My eie roeping om die evangelie-boodskap na die strate te neem, het begin met die besef dat hulle wat nie Jesus as Here ontvang het nie, besig is om in die hel te brand. Alhoewel Christus vir almal aan die kruis gesterf het, is daar baie wat nog nooit die evangelie van verlossing gehoor het nie en ander wat nie die geleentheid aangegryp het om te bid om Christus te ontvang nie. Ons moet gewillig wees om die evangelie met hierdie verlore wêreld te deel en bereid wees om dit gou te doen. Is jy bereid om vandag na die strate en van deur tot deur te gaan? Is jy gereed om die vrae van die verlorenes te beantwoord?

1 Petrus 3
15 Maar heilig die Here God in julle harte en wees altyd bereid om verantwoording te doen aan elkeen wat van julle rekenskap eis omtrent die hoop wat in julle is, met sagmoedigheid en vrees

Die Here sal 'n weg berei vir elkeen om die geleentheid te hê om Christus te ontvang. Dit is die Woord wat iemand se hart sal verander omdat dit as 'n saad in hulle lewe ingeplant word. Dikwels het ek aanskou hoe 'n lewe verander as die Woord in 'n persoon se hart geplant word.

2 Petrus 1
11 Want so sal ryklik aan julle verleen word die ingang in die ewige koninkryk van onse Here en Saligmaker, Jesus Christus.

Psalm 119
130 Die opening van u woorde gee lig; dit maak die eenvoudiges verstandig

Hoeveel van julle wil dieper uitvaar en leer hoe om dapper te wees en die Woord met iemand te deel? Ek daag hulle uit wat gelei is om hulle vir straatbediening voor te berei en leer hoe om te getuig waar jy jou bevind. Ons moet leer hoe om deur die Heilige Gees gelei te word. Ons getuienis sal baie meer effektief
wees as ons deur Hom gelei word. Slegs die Here ken die mens se hart. Die Here sal daardie volmaakte geleentheid reël om met daardie een verlore persoon te deel. Laat die Here toe om jou te lei. Elke keer as ek 'n span getuienisse na die strate of deur-tot-deur evangelisasie toe uitneem, deel ek met hulle dat ons uitgaan vir daardie een verlore persoon wat die Here na ons toe sal lei. Dikwels word baie siele gered, maar ons moet tevrede wees om met die een te deel. Om deur die Heilige Gees gelei te word, bring wonderlike vreugde. Telkens as iemand hulle lewe vir Christus gee, is ek opgewonde.

Hieronder is sommige voorbeelde van hoe die Here my na daardie een verlore siel lei. Woorde is so beperk om te beskryf wat ek werklik aanskou het terwyl hierdie individue na Christus toe gekom het. Ek hoop hierdie verhale gaan jou motiveer om die leiding van die Heilige Gees te volg. Ons bied hierdie verhale aan as 'n getuienis van die reddende genade van ons Here Jesus Christus en as 'n bemoediging vir almal om te getuig. Ons besef dat ons in onsself niks sonder die Here kan doen nie. Dit blyk dat baie van ons getuienis niks met ons vermoë te doen het nie, maar eerder met ons beskikbaarheid. Ons hoop jy sien deur hierdie verhale dat God regoor ons land en in die harte van talle beweeg. Hierdie verhale beskryf slegs 'n paar van die baie dinge wat ons in die strate gesien het.

Geroep na die Park
Een aand terwyl ek besig was om te studeer, het dit geblyk dat die Here my roep om na die park in my gemeenskap te gaan. Ek het nie op die eerste oproep gereageer nie en aangegaan om in my privaatvertrek te studeer. Die Here het 'n tweede maal tot my gespreek en ek was seker ek moes gaan. Ek het na die stadspark gery en opgemerk dat daar slegs een motor in die parkeerruimte was. Dit was omtrent 9:30 in die aand en die park was baie stil. Ek het oorgestap na die pawiljoen en by een van die tafels gaan sit. Terwyl ek na die pawiljoen op pad was, het ek 'n man en vrou opgemerk wat besig is om mekaar te omhels. Ek het gaan sit en omgedraai sodat ek hulle nie kon sien nie en vir hulle siele begin bid. Binne 'n paar minute het hulle in die rigting van die pawiljoen begin stap. Ek het iets vir hulle gesê en die man het gaan stilstaan om met my te praat. Ek het nader gestap na die man toe en myself voorgestel. Ek het hom vertel dat die Here so pas met my gespreek het om na die park toe te kom. Hy het geweet dat hy en sy vriendin die enigste twee persone in die park is en dit het hulle geraak om te besef dat die Here en iemand anders omgee en tyd neem om te reageer. Ek het saam met hom gebid en ek was so bly om sy opregtheid te sien. Ek sê toe dat daar met die dame ook gesels moet word en hy het saam met gestap om met haar te gaan gesels. Sy het Christus geken, maar byna onsensitief vir die evangelie geword. Ek het saam met haar gebid, 'n Bybel vir haar en WSJD-armbandjies vir haar kinders gegee. Die man en die vrou het elkeen hulle eie gesinne gehad, hulle het egter beplan om daardie aand egbreuk te pleeg. Dit blyk dat God tussenbeide getree het in hulle lewens deur 'n daad van Sy genade. Ek het beide van hulle eengemoedig om Christus ten alle koste te volg en om te doen wat reg is. Ek het teruggestap na die pawiljoen toe en by die tafel gaan sit. Toe die man op die punt gestaan het om te vertrek, het hy uit sy vragmotor geklim, teruggekeer na my en gesê, "Ek wil net vir jou baie dankie sê, man, dat jy vanaand hiernatoe gekom het. Dit het so baie vir my beteken. Dankie."

Ironies genoeg, was ek besig met my boek met die titel, The Spiritual Timing of God toe God my daardie aand na die park toe geroep het. Dit was so wonderlik om Sy tydsberekening te ervaar en om lewens wat deur God aangeraak is te sien.

Jesaja 12
3 En julle sal water skep met vreugde uit die fonteine van heil

Gelei na 'n Laning Oor die 50 Kilometer Ver Weg
Een genotvolle naweek wat ek nooit sal vergeet nie, is 'n Saterdagnamiddag toe die Heilige Gees my na 'n laning in Sallisaw, Oklahoma, gelei het byna 50 kilometer van waar ek woon. Terwyl ek in die laning gestap het, het 'n jong man na my toe gestap. Ek het vir hom gesê, "Die Here het vanoggend jou gebed verhoor en ek is hier om met jou te praat." Die oortuigende krag van die Heilige Gees het hom begin aanraak soos wat hy die Woord gehoor het en hom gered in die laan waarheen die Here my gelei het. Ja, dit is so lonend om leiding van die Here te volg. Baie soek na wonders en herlewing en mis die mees kragtige dade van die Heilige Gees in die einste strate waar hulle woon. Volg die leiding van die Heilige Gees en laat jouself toe om 'n dienskneg van die Here Jesus Christus te wees.

'n Trokdrywer na My Tuisdorp Gelei
Een aand was ons in ons goederewa op pad terug van 'n beseerde vriend wat ons besoek het wat ten suide van Fort Smith, Arkansas, woonagtig was. Ek en my gesin het 'n dame, 'n evangelis, saamgeneem na ons vriend se huis vir gebed en koinonia. Op pad terug huistoe merk ons 'n man in 'n trok op met 'n vrag agterop vasgemaak. Toe ons hom langs ons by 'n rooi lig sien, het ons gelei gevoel om vir hom te bid. Ons het almal in gebed saamgestem dat sy siel gered moet word en gevra dat die Heilige Gees iemand moes stuur om hom na die Here te lei. Ons het vir 'n paar oomblikke in gebed voortgegaan en toe gesien hoe die trok verder in die straat af beweeg.

Ons het by die hotel gestop om die evangelis te gaan aflaai. Nadat ons vir 'n paar minute met haar gesels het, het ons die hotel verlaat en teruggekeer huistoe. Tot ons verbasing, bevind ons ons weereens langs dieselfde trok toe ons oor die Arkansasrivierbrug beweeg. Weereens het ons vir sy siel gebid. Ons het opgemerk dat soos ons huiswaarts gekeer het, sy reis in dieselfde rigting gegaan het. Ek het vir my gesin gesê, "As hy draai en noordwaarts beweeg, wil ek hom volg en sien of hy by die vragmotorhalte stop. Ek sal stop en teenoor hom getuig." Ons het die moontlikheid bespreek dat die Here ons reise laat saamval het. Ons het almal saamgestem dat iets besig was om te gebeur. Die trok het voortgery verby die interseksie en aan beweeg in die rigting van ons woning. Toe het die trok ingetrek en tot stilstand gekom in die parkeerruimte van 'n kruidenierswinkel slegs 'n paar blokke van ons huis af.

Ek het my gesin huistoe geneem en vinnig teruggekeer. Hy was steeds in die parkeerblok en in sy trok gesit. Ek het met my goederwa in die parkeerplek parkeer en nader gestap na die bestuurderskant toe. Dit het geblyk dat hy onwillig was om sy venster af te draai. Ek het vir hom gesê dat ek met hom wil gesels. Uiteindelik het hy sy vesnter oopgemaak. Ek het myself voorgestel en gevra of die Here besig is om met hom te deel. Hy het gesê dat Hy met hom besig was en wou weet hoe ek dit geweet het. . Ek het gesê, "Kan jy onthou dat jy 'n groen goederewa langs jou geparkeer gesien het toe jy in Fort Smith ingekom het?" Hy het gesê, "Ja, ek onthou die goederewa, en ek het opgemerk dat julle ouens na my gekyk het en ek het gedink my enjin se geraas pla julle." Ek het vir hom gesê dat ons vir hom gebid het en dat hy byna 50 kilometer ver terug in 'n parkeerarea gestop het. Die tyd was twee minute voor middernag in my tuisdorp. Ek het aan hom gevra of hy dink dat God dit alles kon gereël het. Hy het gesê dat hy glo God is besig om iets te doen. Hy is egter 'n oud-gevangene en het 'n tronkstraf van vyf jaar uitgedien en is so pas vrygelaat. Hy het gesê dat hy nie waardig voel vir dit wat die Here vir hom wil doen nie. Ek het hom verseker dat God lief is vir hom en dat Hy omgee. Ek het vir hom gesê dat as ek nie omgegee het nie sou ek nie in die middel van 'n koue nag hier sou gestaan het om met hom te gesels nie. Ek het 'n uitnodiging tot hom gerig om Jesus Christus as sy Here aan te neem en die Skrifte aan hom veruidelik.. Hy het sy hart vir die Here gegee en my vertel van sy pragtige gesin terug by die huis. Hy het gesê, "Ek was verlore en nou is ek gevind." Ek het vir sy veilige terugreis gebid en padaanduidings aan hom gegee.

Ek was so opgewonde wat die Here gedoen het. Alhoewel ek al hierdie dinge waargeneem het, kon ek nouliks gglo wat so pas plaasgevind het. Ek kon nie verstaan hoe alles gebeur het nie. Ek het geweet dat ek daardie aand die hand van die Here aanskou het en hoe baie lief Hy daardie man gehad het. Alles wat ek ooit vir die Here gedoen het, was die moeite werd om te sien hoe dit gebeur het dat daardie man Hom leer ken het.

Terwyl ek aan hierdie man gedink het, het ek gewonder hoeveel mense deur die Here gestuur is om aan hom te getuig op sy oor die 800 kilometer reis van Houston, Texas, tot in Fort Smith, Arkansas. Hy het vroeg daardie môre uit Houston vertrek om 'n aflewering in Missouri te gaan maak.

Hoeveel mense op sy reis is deur die Here gevra om aan Hom te getuig? Was daar niemand om te reageer wanneer hy vir brandstof of kos gestop het nie? Net God weet.

Gelei na 'n Park
Ek was op die punt om 'n Straat Universiteitsklas in 'n kerk oorkant 'n park in Fort Smith, Arkansas, te begin toe dit voorkom asof die Heilige Gees met my praat. Dit was 'n paar minute voordat die klas sou
begin en ek is gelei om na die park oorkant die kerk te gaan. Ek het gebid terwyl ek die hele lengte van die park geloop het en na 'n jongman en sy seun op 'n bofbalbaan gegaan het.

Ek het met hierdie jongman gepraat en spoedig uitgedind dat hy verlore was. Hy was 'n goeie man, maar hy het nooit Jesus Christus as sy Here ontvang nie. Hy het gesê dat hy vir 'n lang tyd al oorweeg om 'n keuse vir Jesus te maak. Dit sou die dag word waarop hy sou bid om Jesus te ontvang. Dit is wat die Here wou doen. Hy wou die park voorberei en die harte van mense voorberei vir Sy doel. Ek was so dankbaar vir ander wat vir 'n oes in hierdie area gebid het. Dikwels is 'n effektiewe getuie 'n verhoring van ure en ure se gebed van iemand. Die teenwoordigheid van die oortuigingskrag was so sterk. Ek het geweet dit was 'n goeie dag om te getuig terwyl ek terug gestap het na die kerk om ander te onderrig in evangelisasie.

Laat ons reageer op wat die Here wil hê ons moet doen en Sy hande en voete in hierdie hierdie wêreld weesDie tyd is kort en die arbeiders is min.