Hoofstuk Tien
Deel Christus

Aan wie om te getuig

Terwyl jy uitreik om te getuig, behoort jy in 'n gebedstemming te verkeer en die Heilige Gees se leiding te vra om jou na iemand te lei. Dit is ook belangrik dat jy iemand sal hê om jou te assisteer indien jou aandag afgelei word deur ander mense. Jou getuienis sal meer effektief wees as die persoon teenoor wie jy getuig net vir jou kan hoor. Indien jy nie seker is met wie om te praat nie, praat met enige een tensy die Heilige Gees sê jy moenie. Jesus het gesê hy wil nie hê dat enige verlore gaan nie.

Spreuke 3
27 Hou 'n weldaad nie terug van hom aan wie dit toekom as dit in jou mag is om dit te doen nie

Matteus 18
11 Want die Seun van die mens het gekom om te red wat verlore is.
12 Wat dink julle? As iemand honderd skape het en een van hulle verdwaal, sal hy nie die negen-en-negentig laat staan en op die berge die verdwaalde een gaan soek nie?
13 En as hy hom kry, voorwaar ek sê vir julle dat hy blyer is oor hom as oor die negen-en-negentig wat nie verdwaal het nie.
14 So is dit nie die wil van julle Vader wat in die hemeel is, dat een van hierdie kleintjies verlore gaan nie.

Daarom moet ons vry voel om teenoor enige iemand te getuig. Tog getuig ek nie teenoor jong kinders nie. In die samelewing van vandag kan jou motief om teenoor 'n jong kind te getuig verkeerd vertolk word.

As iemand vir jou vertel dat hulle nie 'n christen is nie of dat hulle nog nooit Christus as hulle Heer en Verlosser bely het nie, dan moet jy gereed wees om hulle in gebed te lei. Eerstens, beveel ek aan dat jy 'n voorbereidingsgebed bid en dat jy die Heilige Gees vra om hulle van sonde te oortuig. Dit wil voorkom asof hierdie gebed hulle harte die woorde laat hoor wat jy met hulle wil deel. Wanneer ek nie hierdie gebed bid nie, gebeur dit dikwels dat die getuienis opeindig in baie gepraat oor godsdiens of een of ander onderwerp.

Die benadering

Terwyl jy iemand benader, is dit altyd 'n goeie idee om iets te hê om aan hulle te gee. 'n Christelike plakker of traktaatjie is altyd goed om aan iemand te oorhandig. Menige kere is dit die maklikste manier om kontak te maak met iemand. Stel jouself bekend en luister wat is hulle naam sodat jy dit later in die gesprek kan gebruik. Indien hulle nie Afrikaans of Engels magtig is nie, stel vas of hulle kinders nie vir jou kan tolk nie. Ek maak dikwels van familielede gebruik om vir my te tolk terwyl ek getuig. Raadpleeg ook die hoofstuk "Die Benadering" vir meer omvattende inligting oor hoe om iemand met jou getuienis te benader.

Die vraag

'n Goeie wenk is om altyd eers 'n algemene gesprek met iemand te voer en te probeer om iemand se vriendskap te geniet. Sê aan hulle : "Ek moet voordat ek vertrek aan jou 'n vraag vra. Ons besoek almal om seker te maak dat hulle Jesus Christus ken as hulle persoonlike Verlosser." Vra dan : "As jy vanaand sou sterf, sou jy sonder enige twyfel weet dat jy hemel toe gaan? Antwoord asseblief asof God luister."

Terwyl hulle nadink, bid jy 'n stilgebed om die Heilige Gees te vra om hulle hart te deursoek. Bid met oop oë en moenie dat hulle sien jy bid nie. Dit kan verwarring bring as hulle sien jy bid vir hulle. As hulle met 'n ja reageer, vra jy die volgende vraag :

"Het jy al hardop gebid en Hom persoonlik in jou hart ingenooi?"

Hou aan met die gesprek totdat jy seker is dat Christus in hulle is.

Vervolgens maak jy jou Bybel oop en toon Romeine 10 vers 8 tot 10 aan hulle en lees dit hardop voor. Plaas hulle naam op die toepaslike plekke in die teks in. Dit maak die Woord van God selfs meer persoonlik. Dit is 'n goeie idee om die Skrif te verduidelik soos wat jy aangaan. By die volgende Skrifge-deeltes is 'n aantal voorgestelde kommentaar bygevoeg. Die kommentaar wat ek gebruik, staan tussen hakies :

Deel die Skrif

Romeine 10
8 Maar wat sê dit? (Almal wil weet wat God vir hulle sê. Die Bybel vra : "Wat sê God?" Wel, laat ons saam kyk.) Naby jou is die woord, (Hou die Bybel uit en wys dit vir hulle. Dit sê dat die Woord naby jou is. Selfs reg voor jou.); [selfs] in jou mond (Dit is nou, op hierdie oomblik, in my mond en dit kan ook joune wees. Ek spreek dit nou uit.); en in jou hart (Die Woord is in my hart en dit kan ook in joune wees.) Dit is die woord van geloof wat ons verkondig (Die Bybel sê geloof kom deur die Woord wat ons hoor. Die Woord van God gee in werklikheid aan jou die vermoë om te kan glo. Maar ons moet dit hardop uitspreek en ons hart dit laat hoor en dan sal geloof kom.)
9 As (plaas die persoon se naam in) jy (hulle naam) met jou mond die Here Jesus bely (Die Bybel sê ons moet hardop 'n belydenis doen. Kom, laat ons sien wat gebeur as ons dit doen.) en met jou (naam) hart glo dat God Hom uit die dode opgewek het, sal jy gered word; (Goed, dit sê dat as ons glo dat Jesus die Here is en dat God hom uit die dood opgewek het, sal ons gered word. Maar Hy vra dat ons die Bybel hardop bely. Hy sal ons help om te glo. Laat ons na die volgende vers kyk.)
10 want met die hart glo ons tot geregtigheid (Onthou Hy sal jou die vermoë gee om te kan glo) en met die mond bely ons tot redding (Die Bybel vra dat ons dit hardop sê. Wanneer ons dit doen, doen ons wat God gevra het ons moet doen om gered te word.)

Nadat ek die Skrifgedeeltes gelees en verduidelik het, sê ek vir hulle : "Jy kan ook nou, op hierdie oomblik, die Woord in jou hart hê en gered word en jy kan sonder enige twyfel weet dat jy hemel toe gaan wanneer jy sterf. As jy graag die gebed wil bid om Christus as jou Here te bely, neem dan eenvoudig nou op hierdie oomblik my hand en ons bid saam." Jy sien, dit is makliker om iemand se hand te neem en daardeur ja te sê as om eers ja te sê met jou stem. Terselfdertyd gee dit aan jou 'n kontakpunt terwyl jy vir hulle bid.

Bid nou die sondaarsgebed wat ons bespreek het saam met hulle en vertel vir hulle van die nuwe lewe wat hulle so pas ontvang het. Dit is altyd goed om 'n traktaatjie met die Skrifverwysings wat jy gebruik het asook 'n Bybel aan hulle te gee. Ek hou altyd daarvan om hulle naam en die datum toe hulle gered is in die Bybel te skryf. Ek skryf ook die Skrifverwysings wat ek gebruik het voor in die Bybel.

Hertoewydingsgebed

Dikwels kan dit wees dat iemand een maal Jesus Christus as hulle persoonlike Verlosser
aangeneem het, maar dat hulle nie op die oomblik vir Hom lewe nie. Hulle kon teruggeval het en volgens hulle eie woorde voel dat hulle nie hemel toe gaan as hulle nou sou sterf. Ek vind dat byna tweederdes van hulle met wie ek op straat praat Christus een maal geken het en toe afgedwaal het. Dit bly egter belangrik om die Vraag te vra en die uitnodiging te rig om Christus te ontvang selfs al was hulle een maal gered. Gewoonlik gebruik ek dieselfde tegniek met teruggevallenes as met hulle wat Christus nog nooit geken het nie. Ons vra vir hulle of hulle wil terugkeer na Christus toe in plaas van om te vra of hulle Hom wil ken. Somtyds het hulle wat afvallig geraak het verhard geraak teenoor die Bybel en teenoor God. Nou kan jy vir hulle vra of hulle hulle lewe opnuut wil toewy. Sê dan die volgende :

"As jy voel Hy is nie so naby aan jou as toe jy die eerste maal 'n pad met Hom begin loop het nie of jy het afvallig geraak, sou jy graag wil bid en jou lewe op hierdie oomblik hertoewy? Neem dan eenvoudig my hand en dan bid ons saam." Dit gee aan jou 'n kontakpunt terwyl jy vir hulle bid. Dit is belangrik om daarop te let dat jy die gebed moet lei. Ek het agter gekom dat sommige verward is en nie na Christus toe wil kom nie omdat hulle nie kan bid nie. Stel dit duidelik dat jy sal voorgaan in gebed. Persone wat in opleiding is, is ook meer suksesvol as hulle vra dat iemand sal reageer met 'n erkenning deur eenvoudig jou hand te neem en daardeur ja in hulle hart te sê om saam met jou te bid.

Indien hulle ja sê, laat hulle dan die volgende gebed hardop bid. Verduidelik aan hulle dat dit somtyds beter is om opnuut met Christus te begin as jy afgedwaal het.

Sondaarsgebed

"Vader, in Jesus Naam vra ek U, dat U aan my op die maklikste verstaanbare manier sal wys hoe U my sondes vergewe. Neem my lewe. Stuur dit. Rig dit. Lei dit. Al die dae van my lewe. Ek wil U graag op 'n meer persoonlike manier ken. Help my om in U Woord te groei. Ek glo dat U Seun aan die kruis vir my gesterf het en dat Hy opgewek is uit die dood. Ek bely U as my Here. In Jesus se naam bid ek dit. Amen."

Hierdie nuwe lewe

Vertel nou aan hulle hoe om hierdie wêreld te bewandel. Die lewe is 'n reeks besluite. Ons moet besluite neem wat ons hart en die Woord van God vir ons sê. Dit word bekering genoem. Die wegkeer van wat ons die verkeerde noem. Ek sê nooit vir hulle wat hulle moet doen nie. Ek laat die Heilige Gees hulle meedeel met watter dinge in hulle lewe hulle moet deel. God werk verskillend met elkeen van ons. Ons moet God toelaat om die werk in hulle lewe te doen. Ek sê vir hulle dat hulle lewe 'n lang reis is. Hulle sal sondig en verkeerde dinge doen, maar dit is belangrik om te weet dat ons die Here om vergifnis kan vra. Dit is nodig dat ons daagliks Sy vergifnis en bewaring sal vra soos wat ons deur die wêreld beweeg. Vra dat hulle met iemand sal deel wat met hulle gebeur het. 'n Goeie wenk is om aan hulle 'n Byebel en materiaal te gee wat hulle nuwe lewe in Christus aan hulle verduidelik.