Hoofstuk Elf
Mense en Plekke

Om iemand te vind om Christus mee te deel, is nie moeilik nie, want oral is daar verlore mense. Ek kan op enige plek in die VSA getuig en dit bly dieselfde. Die Heilige Gees sal oortuig en mense sal na Christus kom. Bid en sien waar moet jy getuig. Ek sal aanbeveel dat jy verskillende tipe omgewings of opsette probeer. Parke, sypaadjies, huise, winkelsentrums en kitskos restaurante is almal uitstekende plekke om te getuig. Jy sal verbaas wees dat baie van die mense wat jy nader, sal Christus leer ken.

'n Uitstekende manier om gemaklik te raak met die gebiede waar jy gaan getuig, is om eers hierdie gebiede verskeie kere te besoek voordat jy begin getuig. Bid in hierdie gebiede as jy daar besoek aflê. Ek spandeer baie tyd om deur behoeftige gebiede te ry en en te stap totdat ek gemaklik raak met die gebiede. Ek verander ook my roetes in die stad en bestuur deur alle moontlike gebiede om vertroud te raak met verskillende omgewings. Dit is asof die Here my gelei het om dit te doen en dit is interessant om te sien hoe dit my gehelp het. Soos wat jy ry en al hierdie gebiede besoek, sal jy so baie behoeftes waarneem. Bid vir hulle wat dalk nie weet hoe om vir hulleself te bid nie. Raak vertroud met gebiede waarmee jy nie vertroud is nie.

Deur tot deur evangelisasie

Die meerderheid mense wat ek oplei neem ek van deur tot deur in die gemeenskappe waar hulle gemeente geleë is. Deur tot deur evangelisasie is een van die moeilikste vorme van getuig. Dit sal egter keuses vir Christus voortbring, terwyl jy die gemeenskap daarvan bewus maak dat jou kerk omgee. Maak seker dat nie te veel persone na dieselfde deur gaan nie. Verdeel in groepe as julle uitreik en besluit op 'n tyd en plek wanneer julle gaan terugkeer. Sommige deure waaraan julle klop sal nie oopgaan nie en ander deure sal toeslaan met mense wat gefrustreer is omdat jy tuis hulle privaatheid versteur. Dit is 'n bietjie moeiliker om teenoor mense in hulle eie huise te getuig. Ek wil dit egter van harte aanbeveel dat jy deur tot evangelisasie sal leer en ervaar. Jy sal sien hoe siele gered word, hoe gesinne tot Christus keer en hoe baie christene wat tans nie kerk bywoon nie hulle weg na jou plaaslike kerk vind. Maak seker en herhinner 'n nuwe bekeerling daaraan om die waterdoop te ondergaan. Dit lei dikwels daartoe dat hulle jou kerk bywoon.

Soos wat jy aan deure klop, sal jy met baie christene praat. Maak seker dat jy nie iemand wat in 'n ander kerk gevestig is probeer oorreed om jou kerk by te woon nie. Ons pogings moet een van evangeli-sasie wees en nie om mense van ander kerke te werf nie. Ek wil eenvoudig net mense in die kerk van hulle eie keuse sien. Dit is belengriker dat mense enige christelike kerk bywoon as 'n spesifieke kerk. Hierdie vorm van eenheid met ander kerke sal resultate oplewer en deur die godsdienstige gemeenskap aangeneem word soos wat jy gebiede evangeliseer. Te veel kere het ek waargeneem hoe hulle wat van deur tot deur gaan deur ander kerke gekritiseer word omdat hulle ander gemeentes in hulle kerk probeer inlei. Laat ons op die uitkyk wees vir die verlorenes en hulle wat nie kerk bywoon nie en op hulle fokus. Maak seker en hou rekord van die huise wat julle besoek en die resultate wat geleer is deur die visitasie. Dit kan gebeur dat jy in die toekoms weer die rekords gebruik in herbesoek van die deure van die verlorenes.

Een namiddag terwyl ons in 'n stad van deur tot deur beweeg, sien ek 'n uitlander wat besig is om in sy agterplaas sy grasperk nat te spuit. Verskeie van ons het hom benader en begin vriende maak met hom. Ons was dankbaar dat hy Engels kon verstaan. Hy was geweldig beïnvloed deur Oosterse godsdienste en het nie 'n woord verstaan waarvan ons praat nie. Ek het 'n ou hond oor die pad sien stap en vir hom gesê : "Sien jy daardie hond? As 'n kar hom nou omry, is hy vir ewig weg. Sou jy egter omgery word, is dit nie die einde van jou lewe nie. Ons is gemaak om vir altyd te lewe.." Die man het opgespring van vreugde en uitgeroep : "Ek het geweet ek is meer as 'n hond! Ek het geweet! Ek het geweet! Ek het geweet!"

Ek het voortgegaan en verduidelik dat God 'n boek geskryf het, genaamd die Bybel . Hy het dit uit my hand geneem, in die middel van sy tuin gaan sit en die gedeeltes gelees wat ek aan hom gewys het. Vir die eerste maal in sy lewe het hy gevind wat hy gesoek het. Hy het hoop gevind. Daardie dag in die middel van sy tuin het ons hom na Christus toe gelei. Ek was so opgewonde om sy uitdrukking te sien oor die feit dat hy weet dat hy vir ewig sal lewe in 'n plek wat hemel genoem word.

Ons het in die straat af van deur tot deur gegaan en baie ander mense langs die pad ontmoet. Ons het vir etlike ure getuig en weer by hierdie man se huis verby gegaan op pad kerk toe. Hy het steeds in die middel van sy agterplaas sy nuwe Bybel gesit en lees. Dikwels sal jy sien hoe God so 'n diepe werk in iemand se lewe verrig. Ons getuienis daardie dag was geensins dinamies of spesiaal nie. Ons het eenvou-dig net die basiese waarhede van die Woord gedeel en die hele tyd het dit voorgekom asof God in sy hart spreek en geweet het wat hy nodig gehad het om te hoor. Hy het hoop gevind asook 'n geleentheid om die woorde van sy Skepper te lees om te weet wat lewe in Christus is.

Kitskos restaurante

Om in kitskos restaurante te getuig, is opwindend en kan ook plofbaar wees. Terwyl ons in restaurante getuig, sien ons dikwels hoe twee of meer mense terselfdertyd na Christus kom. Dit is nodig dat jy vriendelik is, debatte vermy en nie enige druk uitoefen nie. As jy mense onder druk plaas of steurnis veroorsaak, sal jy deur die bestuurder versoek word om te gaan of jy sal uitgedaag word deur die persoon met wie jy praat. Dikwels koop ek koeldrank of eetgoed voordat ek getuig. As 'n klant van die restaurant het ek die reg om daar te wees. Ons word dikwels so verwelkom dat mense na ons toe kom vir plakkers en WSJD armbande. Baie keer vra mense vir christelike materiaal selfs sonder dat hulle Christus ken. Dit is in hierdie soort atmosfeer dat baie mense na Christus keer. Dit blyk dat die atmosfeer geestelik gelaai is met die getuienis van Christus. Onderwyl jy getuig sal jy opmerk dat God oppermagtig beweeg soos wat Hy wil. Ons het baie verlore mense gesien wat Christus binne sekondes gevind het tydens ons getuienis in restaurante.

Ek vertrou jy sal die volgende voorbeeld geniet van 'n klas se ervaring wat ek in Kalifornia opgelei het hoe om in restaurante te getuig :

Ek het na 'n mooi kerkgebou in Nipoma, Kalifornia, gegaan om 'n groep uit twee verskillende kerke te leer hoe om in die strate te getuig. Toe ek op pad na die verhoog is om te praat, het ek opgekyk na die preekstoel en ek het net nie op my gemak gevoel nie. Ek het weer afgeklim van die verhoog en vir die groep gesê dat die trap my sypaadjie gaan wees en die mat die straat. Jy sien, ek is meer op my gemak op die strate as in kerke. Ek het so baie tyd op straat deurgebring dat dit my kerk geword het. Weereens het ek my hart met die mense gedeel. Ek was so opgewonde om die trane by baie wat na my geluister het te sien. Dit is trane wat uit hulle harte vrygestel is. Verseker was dit God wat sy liefde met hulle gedeel het vir die verlorenes in hulle gemeenskap.

Ek was geskok om so baie hande te sien opgaan toe ek gevra het wie wil saam met my strate toe gaan om te gaan getuig. Ons het vir die stad gebid en na 'n nabygeleë McDonalds naby die kerk gegaan. Terwyl ons op pad na die restaurant was, is ek daaraan herhinner hoe moeilik my bediening daar uit gesien het. Ek is altyd 'n toeskouer en moet wag om te sien wat gaan God doen in die lewens van hulle wat ons benader. Almal van hulle wat nou net geluister het na wat God in die strate doen, was nou gereed om te sien hoe lewens verander. Ek het onthou hoe ek op die vliegtuig op pad soontoe gebid het : "God, U moet beweeg! Die mense van Kalifornia verwag dat U 'n werk in die strate sal begin doen." Dit was asof God in my hart gespreek het en gesê het : "Dit is my verantwoordelikheid en joune is om te gaan." My bediening is totaal afhanklik van die Heilige Gees om ons lewens te beskerm en om van sonde te oortuig en om siele te red.

By McDonalds het ons uit ons voertuig geklim, vir minder as vyftien meter gestap en met 'n dame by die openbare betaalfone gepraat. Die jongdame se naam was Genese. Die getuienis was so hartroerend en tog so tipies. In reaksie op ons vrae in verband met haar verhouding met Christus het sy gesê : "Ek bid. Ek bid elke dag." Ek het die getuienis 'n bietjie verder geneem en gevra of sy vir Christus leef. Sy was verlore en sonder Christus. Die getuienis van die Heilige Gees het haar tot op 'n punt van sonde oortuiging gebring. Sy het slegs van Christus geweet. Ek het die Skrif uit Romeine 10 vers 9 tot 10 met haar gedeel en binne enkele oomblikke het sy haar tot Christus gekeer. Binne 'n minuut het iemand reeds vir Christus gevind. God is goed!
Ons het binne in McDonalds ingegaan en voordat ons kon gaan sit, het 'n klant my na hulle tafel genooi. Ek het geweet dat God op die punt was om iets te doen. Hy beweeg so vinnig. Ek noem hierdie gebeurtenisse ontploffings in die gees wanneer God beweeg. Ek het dit so baie kere op straat sien gebeur. Somtyds gebeur dit vinniger as wat ons dit vir onsself kan voorstel. Ek het 'n stoel nader getrek en myself op die hoek van hulle tafel sit gemaak. Ek het vir die gesin om die tafel gevra : "Wat pla julle?" Hulle was getref deur die oranje plakker op my hemp. Ek het vir hulle gesê dis 'n Jesus plakker en vir hulle een gegee. Vir die kinders het ek WSJD armbande gegee en eenvoudig net vriende probeer wees met die gesin wat belangstelling in my plakker getoon het. Vantevore het ek bendelede gehad wat vir my gevra het wat dra ek in my sak. Dit was vir hulle so netjies. Ek het vir hulle gewys dis Bybels en dikwels het hulle na Christus gekom as ek teenoor hulle getuig het. Verseker kan God iemand se nuuskierigheid prikkel. Verseker het God afgekyk en dit vir my gereël om aan hierdie tafel te wees. Ek het oor my skouer gekyk en lede van die kerkgroep rondom my by nabygeleë tafels sien sit. Hulle het verwag God gaan beweeg en Hy het.

Terwyl almal gekyk en gewag het, vra ek vir 'n jongmeisie aan tafel na haar verhouding met Christus. Sy het afvallig geraak van Hom. God het reeds begin werk in haar lewe en sy het vinnig terugge-keer na Christus. Haar naam was Alyssa. Ek het nuwe vriende in Kalifornia gemaak en 'n ander persoon het na Christus gekeer. Minder as tien minute het verloop sedert ons in die parkeerplek stilgehou het en twee mense is nou gered. Prys God! Hy was besig om te beweeg in die midde van almal van hulle wat toegekyk het.

Vervolgens het ek vir die pastoor gesê dat die Heilige Gees my na twee persone gelei het en dat ek wil hê hy moet my bystaan. Ek het die dame na wie Hy my lei aan die pastoor uitgewys. Ek het gedink ons kon haar mis voordat ons haar kon bereik. Sy was by die toonbank besig om vir haar petrol te betaal by die petrolpomp langs McDonalds. Ons het uitgegaan en buite gewag. Toe gaan sy na die openbare telefone en ons het gewag. Uiteindelik het sy by ons verby gestap en het ons 'n geleentheid gehad om met haar te gesels. Dit het geblyk dat haar kredietkaart verwerp is en dat sy nou kans gehad het om te wag en met ons te praat. Sy het vir 'n familielid gewag om vir haar petrol te kom betaal.

Ons het haar verskeie vrae gevra in verband met haar verhouding met Christus. Sy is groot gemaak in 'n denominasie wat nie vir Christus ken nie en het kort vantevore besluit om nie langer hierdie doktrine te volg nie. Dit het geblyk dat sy gereed was vir 'n persoonlike verhouding met Christus. Ons het die Skrifgedeeltes aan haar gewys en sy het Christus leer ken. Haar naam was Regnal. Prys die Here vir die dag toe sy Christus gekies het. Sy het toe na 'n naam van 'n kerk gevra wat sy kon bywoon. Toe het ek haar voorgestel aan die pastoor wat langs my gestaan het. Hy het met Regnal begin deel en dadelik ook meer in verband met Christus met haar gedeel. Dit het voorgekom asof Regnal dit geniet om die pastoor te ontmoet en het 'n uitnodiging aanvaar om sy kerk te besoek. Wat 'n vreugde om so baie van die kerk en die pastore te hê terwyl ons in die strate getuig!

Ons het nou nog een persoon gehad om mee te gesels. Dit was die kassier. Ons het met haar gesels en dit het geblyk dat sy verlore is. Sy het besef dat sy na Christus moes kom. Voordat ons 'n sin kon voltooi, het die volgende klant na die kasregister gekom. Ons moes ons getuienis sinnetjie vir sinnetjie aanbied. Te midde van dit alles, het God nog steeds beweeg. Ons het nie geleentheid gehad om saam te bid nie, maar ek het haar aan die pastoor voorgestel. Ons het ooreengekom dat hy later sou terugkom as dit nie so besig was nie om saam met haar te bid en haar na Christus te lei. Ja, dit was heeltemal ongewoon, maar God het beweeg.

Dit was nou die einde van ons getuienislewering en ons was opgewonde oor wat God alles gedoen het. Ek was bly dat almal 'n geleentheid gehad het om te kon sien hoe die Heilige Gees in die lewens van mense in 'n restaurant opset kan beweeg.

Sypaadjies en strate

Getuienislewering op sypaadjies en strate is my geliefkoosde tipe van getuienis. Wanneer jy iemand op 'n sypaadjie benader, is hulle buite hulle bekende omgewing en is dit meer waarskynlik dat hulle sal reageer.
Moet nooit teolaat dat vrees enige plek in jou getuienis kry nie. Alhoewel jy jou in 'n vreemde gebied bevind, onthou dat jy daar is vir heel belangrikste rede op aarde. Jy is daar om Christus te deel en jy behoort nie bang of skaam te wees nie.

Romeine 1
16 Want ek skaam my nie oor die evangelie van Christus nie, want dit is 'n krag van God tot redding vir elkeen wat glo, eerste vir die Jood en ook vir die Griek.

Een aand terwyl ek besig was om langs sypaadjies en 'n parkgebied te getuig, het iemand aan my 'n verhaal vertel wat ek nooit sal vergeet nie. Die jongmense met wie ons gepraat het, was met 'n bende geassosieer. Of hulle bendelede was of nie, het niemand geweet nie. Dit het hulle verbly om ons dappere getuienis te sien om in die nag in die park en stege te wees. Hulle het ons vertel van 'n wit paneelwa wat van tyd tot tyd in die park inry en traktaatjies deur die venster na hulle toe gooi. Die bendekind het gesê : "Ek reken hulle voel nou beter." Kon dit wees dat die jongmense wat die traktaatjies na mense uitgooi, meen dat hulle die groot opdrag uitvoer om die evangelie te deel. Jou getuienis sal nooit effektief wees as dit nie persoonlik en vermeng is met liefde vir alle mense nie.

Tydens 'n ander aand, in dieselfde park, het 'n man met 'n fiets langs een van die paaie in die park gery. Ek het iets vir die man gesê en hy het tot stilstand gekom. Toe ek my hand na hom uitreik, merk ek op hoe wit sy hand is. Dit het gelyk of daar poeier op was. Toe, terwyl ek uitreik na sy hande, sien ek sy gesig. Sy oë was so moeg en sy neus was vol poeier vanaf sy neus reg af tot by sy hemp. Toe weet ek - hy het kokaïene gesnuif voordat ek hom ontmoet het. Op daardie oomblik het ek besef hoe vuil daardie hand was. Dit was vol verdowingsmiddels en vloeistof uit sy neus. Ek sal egter nie toelaat dat dit my verhinder om sy hand te neem en om hom te groet nie. Ek het sy hand geskud en gesê dat God hom liefhet en omgee vir mense en Sy boodskap met hulle wil deel. Sy naam was Charles.

Hy was gereed om die boodskap van Christus te ontvang en daardie aand het hy saam met my gebid. Ek sal altyd die man met die kokaïenehand onthou. Ek sien hom van tyd tot tyd in ons stad en hy dra sy klein Nuwe Testamentjie saam met hom oral waar hy gaan. Laat een aand terwyl ek by 'n petrol-pomp getuig het, het hy na my toe gekom en gesê : "Onthou jy my nog?" "Charles, is dit jy?" het ek gesê. Hy was so gelukkig en het so dramaties verander dat ek hom byna nie erken het nie. Hy het nou soos 'n heel ander mens gelyk. Hy was so aangegryp dat ek sy naam onthou het. Ek het kennis gekry dat Charles 'n ruk later oorlede is. Ek het geweet dat God daardie aand gereël het om Charles te ontmoet. Wat sou gebeur het as ek nie daardie vuil hand daardie aand in die park geneem het nie? Sou Charles vir Christus ontmoet het? Ek glo God het Charles so lief gehad het dat hy sy Seun gestuur het om vir sy sondes aan die kruis te sterf - net soos wat Hy vir jou gedoen het. Moet nooit na die toestand van lewens kyk as jy bedien nie. Laat God jou gebruik om alle mense te bedien.

Byna 'n jaar na Charles se dood was ek een aand besig om te getuig en het ek 'n dame na die Here gelei. Daardie aand het ek gedink dit was 'n tipiese getuienis, maar toe ek aan haar 'n Nuwe Testament oorhandig, kyk sy daarna en sê : "My pa het een van hierdie vir jare gedra en dit elke dag gelees. Dit het 'n plakker net soos hierdie een op gehad." Ek het gevra wie haar pas was en haar antwoord was : "Charles." Sy het gehuil toe sy hoor dat dieselfde persoon wat haar pa na Christus gelei het ook haar so pas na Christus gelei het. Sy het my vertel dat haar pa die Nuwe Testament wat ek hom gegee het oral saam gedra het waar hy gegaan het. Volgens haar het hy gehoop om saam met my in die strate te gaan getuig en dat hy besig was om homself voor te berei deur die Nuwe Testament deur te lees. Toe ek daardie aand weggestap het, het ek geweet God het daardie spesiale aand vir my en Charles se dogter gereël. Ek het geweet dat God sonder enige twyfel in beheer was van alles wat gebeur het.

Kroeë en nagklubs

Ons beveel nie aan dat enige iemand in 'n kroeg getuig wat in die versoeking gestel gaan word deur so 'n omgewing nie. Ek het stories gehoor van iemand wat uit hierdie lewensstyl gekom het en weer begin getuig het om weer eens in sonde verstrik te raak. Daarom, as jy van voornemens is om in kroeë in te gaan, maak seker dat jy vir hierdie soort bediening geroep is en dat jy nie onlangs uit hierdie omgewing uitgekom het nie. Dit is 'n totaal eiesoortige getuienis en kan baie vredevol en soms baie plofbaar wees.
Wanneer jy in 'n kroeg getuig, is dit baie belangrik dat jy nooit 'n woord sê wat enige iemand veroordeel nie. Jou woorde kan dikwels in 'n kroeg verkeerd vertolk word en tot 'n argument lei.

Wanneer ek in 'n kroeg ingaan om te getuig, kies ek gewoonlik iemand uit wanneer ek die eerste maal ingaan en beweeg ek stadig en getuig ek teenoor een persoon op 'n keer. Indien jy probeer om te vinnig die kroeg te dek en te vinnig te beweeg, sal jy gevra word om te gaan. Ek bestel nooit enige iets in 'n kroeg nie. Ek gee ook nie voor dat ek 'n klant is nie. Indien jy te veel traktaatjies in die kroeg uitdeel, sal jy gevra word om te vertrek. Moet nooit 'n persoon se drinkery bespreek nie of hoekom hy in die kroeg is nie. Ek spreek slegs tot die hart en nie oor hulle gewoontes of probleme nie.

Respekteer outoriteit en privaat eiendom

Van tyd tot tyd wanneer jy in openbare plekke getuig sal jy te doen kry met wetstoepassers wat vir jou mag vra om te gaan. Alhoewel jy die reg het om in 'n openbare plek te getuig, is dit van uiterste belang dat jy sal saamwerk met wetsafdwinging. Moet nooit in 'n skermutseling met 'n wetstoepassingsoffisier betrokke raak nie. Polisie is daar om vrede te bewaar en om jou veiligheid te verseker. Indien jy 'n voort-durende probleem met wetsfadwinging het wat jou versoek om 'n gebied te verlaat, behoort jy dit aan jou leraar te rapporteer en laat hy met die polisiedepartement onderhandel enige misverstand uit die weg te ruim.

Om 'n getuie te wees, beteken dat ons gesag moet respekteer en in vrede leef. Ek onthou die Romeinse soldaat wat Christus se boodskap en die gesag van sy regering verstaan het :

Matteus 8
8 En die hoofman oor honderd antwoord en sê : Here, ek is nie werd dat U onder my dak inkom nie; maar spreek net 'n woord, en my kneg sal gesond word.
9 Want ek is ook 'n man onder gesag, en ek het soldate onder my. En vir hierdie een sê ek : Gaan! En hy gaan; en vir 'n ander een : Kom! En hy kom; en vir dienskneg : Doen dit! en hy doen dit.
10 Toe Jesus dit hoor, het Hy Hom verwonder en aan sy volgelinge gesê : Voorwaar Ek sê vir julle, selfs in Israel het Ek so'n geloof nie gevind nie.

Ons moet te alle tye met winkeleienaars en hulle in gesagsposisies saamwerk wat vra dat ons sal gaan. Somtyds kan die teenwoordigheid van te veel mense wat in 'n bepaalde gebied getuig 'n probleem skep vir wetstoepassing. Wetstoepassers is telkens besorgd as 'n groot groep mense snags in 'n bepaalde gebied byeenkom.

Gedurende my getuienis ervaring is ek selde gevra om privaat besighede en openbare plekke te verlaat. Sonder uitsondering het ek altyd saamgewerk. In baie kroeë en klubs waar ons getuig het, is ek egter gevra om te gaan. As te veel persone 'n kroeg binnegaan sal dit ontwrigting veroorsaak of as jy druk uitoefen sal jy gevra word om te gaan. Kroeë is privaatbesit en jy sal moet saamwerk. In kroeë in baie swak gebiede, sal ek die eienaar se toestemming vra of hulle vertel wat ek daar doen. Dikwels laat hulle my dan toe om plakkers uit te deel en teenoor 'n paar mense te getuig, veral as ek 'n tydsbeperking plaas op hoe lank ek daar gaan wees.

Ek was in die ergste kroeg in ons gemeenskap wat byna elke aand toegesluit word weens gevegte en verdowingsmiddels. Toe ons die aand besluit om in te gaan, was daar omtrent vyftien mense wat in opleiding was in die parkeerarea. Slegs 'n paar van ons het egter na die kroegdeur gegaan. Ek het na die deur gegaan, maar die uitsmyter wou my nie inlaat nie. Ek het vir hom gesê dat ek moes ingaan om met die mense te praat dat God my daarheen gelei het. Ek het ook gevra om met die bestuurder te praat. Hy het my ingenooi en die bestuurder het ook ingestem dat ons kan inkom en hy het uitgegaan om ook die res van die groep in te nooi. Ek kon nie glo dat hy al vyftien van ons in hierdie kroeg toegelaat het nie. Ons is vyftien minute gegee om ons boodskap te deel en dan moes ons vertrek. Ek dank God vir die ervarings wat ons kon beleef en dat Hy ons guns teenoor alle mense gegee het. Dit is die derde kroeg wat ek ooit in was - en wat 'n ervaring. Elke bestanddeel wat jy jou kan voorstel is gerook en gedrink. Dit was so hartseer om die afhanklikheid te sien. Almal van ons wou daardie aand almal vir Christus bereik het. Dit het 'n beweging van God gekos om ons daar in te kry en ons het gebid dat selfs tot vandag toe nog lewens aangeraak sal bly as gevolg van ons besoek aan daardie kroeg. Verwag dat God in beweging sal kom en jy sal groot vreugde ondervind wanneer jy die resultate van Sy bewegende hand sien selfs in die lewe van 'n ongeredde kroegeienaar om die weg te berei om ander vir Christus te wen.

Getuienislewering in die reën

Daar was 'n aantal geleenthede dat dit gereën het terwyl ons in die strate getuig het. Ons laat nie toe dat die weer ons kortwiek om uit te gaan nie. Ons getuig eenvoudig waar ons kan en waar die mense is. Jy kan jou spanne na 'n laundromat, bushaltes, lughawe, winkelpleine, toegemaakte sypaadjies, ontspan-ningsgebiede en winkelsentrums neem. Elkeen van hierdie gebiede het hulle eie uitdagings en opwinding. Ons het gevind dat daar in 'n armoedige gebied 'n groter oes te vind is. Baie verarmde mense is sonder hoop en hulle vind dit uitsonderlik dat mense vir hulle omgee. Bushaltes en laundromats is dikwels gebiede waar 'n mens armoede en behoeftigheid vind. In die bediening van Christus vind ons dat Hy altyd beweeg is deur behoeftigheid en dit is vandag nog steeds die geval :

Matteus 9
35 En Jesus het by al die stede en dorpe rondgegaan en in hulle sinagoges geleer en die evangelie van die koninkryk verkkondig en elke siekte en elke kwaal onder die volk genees.
36 En toe Hy die skare sien, het Hy innig jammer gevoel vir hulle, omdat hulle moeg en uitgeput was, soos skape wat geen herder het nie.
37 Toe sê Hy vir sy dissipels : Die oes is wel groot, maar die arbeiders min.