Hoofstuk Veertien
Gebedsevangelisasie

Gebedsevangelisasie is die heel belangrikste deel van die getuienis in die strate en deur tot deur evangelisasie. Dit is so belangrik om intersessors te hê wat vir jou en jou spanne bid terwyl julle in die strate is. Dikwels het ons intersessors by die kerk op hulle aangesig voor God terwyl ons in die strate is. Wanneer evangelisasie en gebed vermeng word, sien ons 'n groter oes van siele. God word deur gebed beweeg en dit is die sleutel om 'n buurt te evangeliseer. Ons behoort ons indringing van die middestad te begin met gebed vir arbeiders.

Matteus 9
37 Toe sê Hy vir sy dissipels : Die oes is wel groot, maar die arbeiders min.
35 Bid dan die Here van die oes, dat Hy arbeieders in sy oes mag uitstuur.

Dit is nodig dat die kerk ernstig daaroor raak om ons stede terug te neem. Ons het probeer om ons gemeenskappe deur wetgewing te verander. Alhoewel hierdie dinge belangrik is, moet die kerk besef dat ons op 'n hoër vlak behoort te opereer en dit is in geestelike oorlogvoering.

Efesiërs 6
8 Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug

Kerkdenominasies mag van mekaar verskil oor wanneer Christus na die aarde gaan terugkeer en oor baie ander dinge. Laat ons egter almal saamwerk en saamstem oor die dinge wat ons in gemeen het en dit is dat Christus gekom het. Hy het na hierdie wêreld gekom om die mensdom te red en Hy het die prys vir elke siel betaal.

Hebreërs 9
9 …nie met die bloed van bokke en kalwers nie, maar met sy eie bloed een maal ingegaan in die heiligdom en 'n ewige verlossing teweeggebring.

2 Korintiërs 5
21 Want Hy het Hom wat geen sonde geken het nie, sonde vir ons gemaak, sodat ons kan word geregtigheid van God in Hom.

Johannes 3
16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

Ons kan sien dat die prys vir alle siele op aarde deur Christus voor betaal is. Tog is daar steeds 'n voortsleuerende oorlog oor hierdie siele. Die nimmereindigende oorlog vir stede is op 'n geestelike vlak. Die geestelike slagveld is nie net duisende kilometers ver op 'n sendingveld nie, maar ook in jou stad. Buitelandse sending is belangrik, maar laat ons onthou om tuisfrontsending te hê wat in die stede werk waar ons woon. Jou stad en hulle wat daarin woon, is onder een of ander beheer van satan. Ons sien die uitwerking wat die vyand daagliks op ons stede het.

Die vyand teen wie ons in 'n oorlog gewikkel is, meer as tweeduisend jaar gelede oorwin. Ons gebruik die outoriteit wat aan ons in die naam van Jesus Christus gegee is. Christus het gesag oor elke owerheid, mag en wêreldheerser. Dit is deur gebed wat hierdie geestelike stryd gewen kan word.

Laat ons bid vir siele en arbeiders en sien hoe hierdie oorlog vir God gewen word. Wanneer ons in die strate is, moet ons in staat wees om tot die harte van mense te praat. En nie tot 'n gemoed wat deur satan beheer word en die gevolge wat dit het deur alkohol en dwelms op hierdie wêreld nie. Ons het
goddelike afsprake nodig wat deur die Heilige Gees vir ons gereël word. Die slagveld vir siele is in die geesteswêreld. Die gebede van intersessors sal God se hand beweeg namens hulle teenoor wie ons getuig. Dit sal die vyand bind om nie werksaam te wees in die gedagtes en emosies van hulle met wie ons praat nie. Dikwels sien ons die hand van God in 'n situasie. Meermale staan ons verbaas oor die krag van God soos dit blyk wanneer Hy beheer van omstandighede oorneem. Ons sien hoe Sy beskerming op straat gedemonstreer word. Ons is opgewonde wanneer ons straat toe gaan in die verwagting wat God volgende gaan doen.

Gebedsevangelisasie is die enigste manier hoe ons gaan sien hoe stede vir Christus gewen word. Alhoewel intersessors nie aan deure klop en op straat getuig nie, word hulle gebede gevoel en die resultate gesien. Dit is belangrik dat intersessors sal volhou en volhard wanneer julle in die strate is. Ander se siele berus op hulle gebede.

Jesus Christus is die Heer van die oes en die Heilige Gees bring oortuiging van sonde aan die siele met wie ons praat. Ons vra dat die Here van die oes voor ons uitgaan en die weg voorberei. Dikwels sien ons 'n klomp mense wat tegelykertyd na die Here kom. Dit is is so mooi om te sien hoe Hy 'n hart verander. Onthou om vir hulle wat vir Christus gewen is te bid dat Hy hulle sal bewaar en dat die vyand daarvan gebind sal word om in hulle lewens werksaam te wees.

Laat God vir jou jou stad wys en Sy liefde vir almal in jou stad. Bid dat Hy vir jou sy hart sal wys vir die verlorenes en die seergemaaktes. Dit is God se begeerte dat jy Sy meegevoel en genade vir ander sal ervaar. Dit is nodig dat ons verby ons eie behoeftes sal kyk en die behoeftes van ander sal raaksien. God het verby al ons sondes en al ons foute gekyk en neergebuig en ons siele gered.

Efesiërs 2
4 Maar God, wat ryk is in barmhartigheid, het ons deur sy grote liefde waarmee Hy ons liefgehad het,
5 ook toe ons dood was deur die misdade, lewend gemaak saam met Christus - uit genade is julle gered

Johannes 13
35 Hieraan sal almal weet dat julle my dissipels is, as julle liefde onder mekaar het.

In die Woord vra God ons dikwels om liefde teenoor mekaar te betoon. Alhoewel dit belangrik is om liefde teenoor mekaar te betoon, wil ek iets wonderliks voorstel : Ontvang Sy liefde op so 'n manier in jou lewe dat jy gedryf word om dit met ander te deel. Sy liefde sal veroorsaak dat jy 'n hart het vir die verloregaandes en die verarmdes. Sy liefde sal jou beweeg om te bid vir hulle wat jy nog nie ontmoet het nie. Laat God toe om deel van sy hart met jou te deel en kom saam in gebed vir hulle wat seerkry. Hulle wat verlore is, kan nie hulleself uit hulle omstandighede verlos nie en God begeer ander christene om in gebed saam te stemvir Sy wil in hulle lewens. God word beweeg deur gebed. Kom ons aanvaar die uitdaging om in 'n ander dimensie van gebedslewe in te beweeg en om God toe te laat om meer van Sy natuur in ons te plaas. Hy is op soek na kruike om Homself in te stort.