Hoofstuk Sestien
Skrifgedeeltes oor verlossing
Die onderstaande Skrifgedeeltes kan waar van
toepassing met nuwe bekeerlinge gedeel word :
God het die mens met die vermoë geskape
om te kan kies. Toe Adam gebore is, is elkeen wat van daardie
punt af gebore is, in geestelike dood gebore.
Romeine 5
12 Daarom, soos deur een mens die sonde in die wêreld
ingekom het en deur die sonde die dood, en so die dood tot allle
mense deurgedring het, omdat almal gesondig het …
Deur Een Mens is almal regverdig gemaak.
Romeine 5
19 Want soos deur die ongehoorsaamheid van een mens
baie tot sondaars gestel is, so sal ook deur die gehoorsaamheid
van die Één baie tot regverdiges gestel word.
Ons verlossing draai rondom ons vereenselwiging
met die offer van die Here Jesus Christus.
Hebreërs 12
2 …die oog gevestig op Jesus, die Leidsman en Voleinder
van die geloof, wat vir die vreugde wat Hom voorgehou is, die
kruis verdra het, die skande verag het en aan die regterkant
van die troon van God gaan sit het.
Christus is deur die Heilige Gees in die wêreld
gebring.
Lukas 1
35 En die engel antwoord en sê vir haar : Die
Heilige Gees sal oor jou kom en die krag van die Aller-hoogste
sal jou oorskadu. Daarom ook sal die Heilige wat gebore word,
Seun van God geneom word.
Jesus het homself leeg gemaak van goddelike voorregte.
Filippense 2
7 …maar het Homself ontledig deur die gestalte van
'n dienskneg aan te neem.en aan die mense gelyk te word.
Satan het geen wettige houvas op Christus nie.
Johannes 14
30 Ek sal nie veel meer met
julle spreek nie; want die owerste van hierdie wêreld
kom en het aan my niks nie.
Jesus het ons sonde geneem.
2 Korintiërs 5
20 Want Hy het Hom wat geen sonde geken het nie, sonde
vir ons gemaak, sodat ons kan word geregtigheid van God in Hom.
Hy het ons vloek geneem
Galasiërs 3
13 Christus het ons losgekoop van die vloek van die
wet deur vir ons 'n vloek te word - want daar is geskrywe :
Vervloek is elkeen wat aan 'n hout hang…
Ons is nuwe skepsels in Christus
2 Korintiërs 5
14 Daarom, as iemand in Christus is, is hy 'n nuwe skepsel;
die ou dinge het verbygegaan, kyk, dit het alles nuut geword.
Die boodskap van Christus
Handelinge 13
25 En toe Johannes aan die einde van sy loopbaan gekom
het, het hy gesê : Wie dink julle is ek? Ek is dit nie;
maar kyk, Hy kom ná my, wie se skoen ek nie waardig is
om van sy voete los te maak nie.
26 Broeders, kinders van die geslag van Abraham, en
die onder julle wat God vrees, vir julle is hierdie woord van
verlossing gestuur.
27 Want die inwoners van Jerusalem en hulle owerstes
het Hom nie geken nie, en deur Hom te veroordeel, het hulle
die woorde van die profete vervul wat elke sabbat gelees word.
28 En al het hulle niks gevind wat die dood verdien
nie, tog het hulle van Pilatus gevra dat Hy omgebring moes word.
29 En toe hulle alles volbring het wat oor Hom geskrywe
is, het hulle Hom van die kruishout afgehaal en in 'n graf neergelê.
30 Maar God het Hom uit die dode opgewek.
Hebreërs 9
12… ook nie met die bloed van bokke en kalwers nie, maar
met Sy eie bloed, een maal ingegaan in die
heiligdom en 'n ewige verlossing teweeggebring.
13 Want as die bloed van stiere en bokke en die as
van 'n vers wat die verontreinigdes besprinkel, heilig maak
tot reiniging van die vlees,
14 hoeveel te meer sal die bloed van Christus, wat
Homself deur die ewige Gees aan God sonder smet geoffer het,
julle gewete reinig van dooie werke om die lewende God te dien.
