Hoofstuk Vier
Hoekom Getuig

God het ons gekies om Sy getuies te wees. Ons is die enigste manier hoe die wêreld sal weet wie Jesus Christus is. Baie keer as ek die evangelie met mense op straat deel, staan ek verbaas hoe baie mense met wie ek gesels nog nooit die boodskap van die kruis gehoor het nie. Baie van hierdie individue is van verskillende etniese oorspronge. Ek het myself afgevra hoe is dit moontlik? Hoe kon enige iemand nie die boodskap van die kruis gehoor het nie. By ander geleenthede vind ons mense wat nog nooit daaraan gedink het om 'n keuse vir Christus te maak nie. Ek het opgemerk dat tweederdes van die mense met wie ons gepraat het in hulle eie woorde sê dat hulle verlore is en hel toe gaan as hulle sterf. Dit is die eintlike rede hoekom ons in die strate is en die evangelie deel. Ons is daar om daardie een verlore siel te bereik. Dit is ons voorreg om die boodskap te komminikeer. Is jy gereed om die Christus se uitdaging te aanvaar, en as jy nie is nie wie sal? Kom ons ondersoek sommige Skrifte en sien hoekom dit nodig is dat ons sal getuig.

As ons nie die Goeie Nuus aflewer nie, wie sal?

Romeine 10
13 Want: Elkeen wat die Naam van die Here aanroep, sal gered word.
14 Hoe kan hulle Hom dan aanroep in wie hulle nie geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek?
15 En hoe kan hulle preek as hulle nie gestuur word nie? Soos geskrywe is: Hoe lieflik is die voete van die wat die evangelie van vrede verkondig, van die wat die evangelie van die goeie verkondig?

Ons mag nie die getuienis in ons hart wegsteek nie

Psalm 40
8 Toe het ek gesê: Kyk, ek kom; in die boekrol is dit my voorgeskrywe.
9 Ek het lus, o my God, om u welbehae te doen, en u wet is binne-in my ingewande.
10 Ek het 'n blye boodskap van geregtigheid in die groot vergadering verkondig; kyk, my lippe bedwing ek nie. Here, U weet dit.

Ons word gevra om in die strate te getuig

Psalm 144
12 …sodat ons seuns soos plante mag wees wat opgekweek is in hulle jeug, ons dogters soos hoekpilare wat uitegbeitel is na die boustyl van 'n paleis;
13 dat ons skure vol mag wees, wat allerhande soorte voorraad oplewer; ons kleinvee by duisende mag aanteel, by tiendusiende vermeerder word op ons velde …

Ons word gevra om uit te gaan en aan die wêreld te getuig

Markus 16
15 En Hy het vir hulle gesê: Gaan die hele wêreld in en verkondig die evangelie aan die hele mensdom.

Ek onthou hoe ek een keer soos by baie geleenthede in 'n verarmde gedeelte van 'n stad van deur tot deur getuig het. Ons het dikwels na die huise gekyk en geweet daar is kinders as gevolg van die swaaie en fietse in die agterplase. Ander kere het ons prente in die vensters en en 'n hele klomp pare seilskoene op die voorstoep opgemerk. Daar was een huis met 'n elektrisiteitsmeter voor die huis maar wat nie beweeg het nie. Dit het gelyk asof die huis leeg of verlate was. Ons het an die deur geklop en iemand gehoor wat ons ingenooi het. Dit is nooit 'n goeie idee om iemand anders se deur oop te maak en in te gaan nie. Daarom het ons weer geklop en 'n man het die deur oopgemaak. Hy ons ingenooi. Hy was besig om baraaihoender op die stoof te kook. Die gas was aangeskakel maar hy het geen elektrisiteit gehad nie. Hy was so bly dat ons daar was om vir hom te kom kuier.

Ons het hom meegdeel wat ons daar kom doen en hy was verras. Hy het gesê dat hy so pas vir die Here gevra het hoe om verlos te word. Hy het vertel hoe die Here met hom besig was. Hy het besef hy moet gered word, maar nie geweet hoe nie. Toe ek my hand uitgesteek het om saam met hom te bid, het hy die hoendervet van sy hand afgevee en my hand gevat. Dit was werklik 'n goddelike afspraak wat God gemaak het. Ons moet onthou ons is dikwels 'n antwoord op iemand se gebed. Ons was opgewonde om te hoor dat hy so pas gebid het en ons aan sy deur geklop het. Volgens wêreldse standaarde het hierdie man niks gehad nie, maar ek glo hy het alles gehad. Hy het hoop gehad dat hy op een of ander manier Jesus Christus sou vind. Die Skepper van die heelal het hierdie man so liefgehad dat Hy iemand gestuur het om die evangelie met hom te deel en hom te omhels. Ek was so aangeraak daardeur om 'n antwoord te wees op hierdie man se gebed. Alhoewel hy slegs 'n kastrol met hoender daarin gehad het, was hy bereid om alles wat hy gehad het met ons te deel. Is ons gereed om alles wat ons het met ander te deel? Ek sal vir altyd aangeraak bly deur hierdie oomblik.

Dit was hartseer om in die volgende huis geen verhitting aan te tref nie. Die stomme man wat die deur kom oopmaak het, het die koudste hande gehad wat ek nog ooit gevoel het. Daar is mense in hierdie wêreld wat seer het en ons moet toelaat dat ons liefde verby onsself uitreik na hulle. God wil sy liefde met hierdie wêreld deel en Hy het jou gekies om 'n draer van Sy liefde te wees.

Ek staan verbaas dat deur 'n paar oomblikke met iemand deur te bring en ware besorgdheid te toon, my getuienis dikwels daartoe lei dat iemand sy hart vir die Here gee. Ek onthou van 'n geleentheid toe ek na twee persone in 'n openbare park gelei is. Soos wat ek nader gekom het, het hulle baie ongemaklik voorgekom. Ek het die leiding van die Heilige Gees gevolg, die evangelie met hulle gedeel, na hulle kommentaar geluister en hulle vrae beantwoord. Ek het gou agtergekom dat ek besig is om met twee bendelede van Chicago te gesels. Tydens my getuienis het dit vir my hopeloos gevoel, maar ek het deurgedruk soos wat ek gelei is. Toe ek die uitnodiging tot hulle gerig het om Jesus Christus as hulle Verlosser aan te neem, het hulle saam gebid met my en 'n wonderlike verandering het op hulle gesigte verskyn. Hulle is deur die Heilige Gees beweeg en afgekyk op die twee Nuwe Testamente wat ek so pas vir hulle gegee het. Een van die mans het opgekyk en gesê: "Wat moet ek nou met die res van my lewe doen?" Ek het vir beide van hulle gesê om terug te gaan na die middestad van Chicago met 'n nuwe boodskap en 'n nuwe missie. Jy sien, hulle is radikaal gered en was nie langer dwelmhandelaars nie. Een het gesê dat hy geweet het wat hy doen nie die regte ding was om te doen nie, maar dis al wat hy geweet het. Hy het gesê dat hy nou weet dat God 'n roeping op sy lewe het, want hy altyd teen gevaar beskerm was en 'n vermoë het om kinders te boei. Hy het gesê dat hy die getuienis van Jesus met die stadskinders gaan deel. Dit was een van die merkwaardigste ervarings wat ek ooit beleef het. Beide van hulle het waarlik 'n nuwe hart ontvang.

Ons kan nie ons hande was oor 'n verlore, siek wêreld nie. Ons moet die Woord toelaat om 'n begeerte in ons hart te skep om die verlorenes te bereik. Die belangrikste ding is dat ons die Here ken en lewe tot verheerliking van Hom. God is baie meer geïnteresseerd in wie jy is as in wat jy vir Hom kan doen. Jou getuienis moet van diep binne in jou aangevuur word en 'n oorvloei wees van jou lewe vir Hom. God wil ons harte uitbrei sodat Hy homself kan groot maak in ons.