Hoofstuk Vyf
Hoe om te Getuig

Ek het al baie benaderings en boeke oor die onderwerp van getuienis gesien. Baie van die lerings is gegrond op 'n georganiseerde manier van om iemand na die Here te lei. Ons verkies om te leer hoe om op die Persoon van die Heilige Gees en die Skrif te vertrou in ons getuienis. Ons het geen formules en ingewikkelde metodes om die verlorenes te wen nie. Die kragtigste vorm van getuienis is om die liefde van God toe te laat om deur jou en jou getuienis te vloei. Mense op straat en hulle wat ons van deur tot deur ontmoet kan vinnig deur 'n persoon sien. Hulle weet of jy werklik omgee vir hulle. Onthou om allereers vriende te maak en dan die evangelie met hulle te deel.

Jou getuienis sal veel vrugbaarder wees as jy die hart sien van die persoon met wie jy praat. Ek probeer om na die persoon te luister. Laat hulle toe om alles te sê wat hulle wil. Laat jouself toe om hulle hart te sien. Dikwels sal hulle woorde hulle harte beskryf. Ons vind baie mense wat seer het en ontnugter is deur godsdiens. Moenie hulle in die rede val en hulle onderbreek nie. Laat hulle al hulle seer met jou deel. Luister na die persoon se hart en wees sensitief vir wat hulle sê. Sê vir hulle jy gee om en dit is die rede waarom jy dink jy in die strate is. Mense sal dan verstaan dat jy omgee vir hulle. Spandeer tyd met die een persoon met wie jy besig is. Moenie dink oor hoe laat dit is of aan enige iets anders dink nie. Wy al jou aandag aan daardie een persoon. Hulle is die rede waarom jy in die strate is. As jy dan praat sal jy met jou hart in hulle hart inspreek. God se liefde sal in hulle hart indring. Soos wat jy die Bybel met hulle deel moet jy dit nie net voorlees nie. Ervaar die Skrif met hulle. Laat dit in jou eie hart inkom asof dit die eerste maal is dat jy dit hoor. Wanneer jy die sondaarsgebed saam bid met hulle, bid dit met dieselfde gevoel en meegevoel waarmee jy dit vir die eerste maal gebid het. As jy jou hart oopmaak terwyl jy getuig, sal die Heilige Gees jou lei en deur jou spreek. Hy sal jou die woorde gee om te spreek tot die persoon na wie Hy jou gelei het.

Ons eenvoudigste en dog effektiefste voorbeeld kom uit die boek Handelinge. Filippus is deur die Heilige Gees na 'n Etiopiër gelei en hy was suksesvol om hom na Christus en tot die waterdoop te lei. Al my getuienis in die strate volg hierdie eenvoudige patroon. Ja, die woorde en die omgewings mag van mekaar verskil, maar nooit die metodes nie. Ons moet toelaat dat die Gees van God ons lei, die Bybel gebruik, dit verduidelik en die vraag vra. Daarbenewens moet ons ons ook met hulle deel oor die waterdoop en hierdie nuwe lewe wat hulle ervaar.

Bid dat die Heilige Gees jou sal lei
Handelinge 8
26 En 'n engel van die Here het met Filippus gespreek en gesê: Staan op en gaan na die suide op die pad wat afloop van Jerusalem na Gasa. Dit is 'n eensame pad.
29 Toe sê die Gees vir Filippus: Gaan daarheen en bly by daardie wa.

Deel die getuienis
30 En Filippus het daarheen gehardloop en hom die profeet Jesaja hoor lees; en hy sê: Verstaan u wel wat u lees?
31 En hy antwoord: Hoe kan ek tog as niemand my die weg wys nie? Toe vra hy Filippus om op te klim en by hom te kom sit.

Gebruik die Woord van God
35 En Filippus het sy mond geopen en van hierdie Skrif af begin en die evangelie van Jesus aan hom verkondig.

Vra die vraag
37 Toe sê Filippus: As u glo met u hele hart, is dit geoorloof. En hy antwoord en sê: Ek glo dat Jesus Christus die Seun van God is.

Die waterdoop
38 En hy het beveel dat die wa moes stilhou; en hulle het altwee in die water afgeklim, Filippus en die hofdienaar; en hy het hom gedoop.

Lei hulle in gebed en deel oor die nuwe lewe en die waterdoop

Ons moet opgewonde en dapper getuies wees en nie toelaat dat 'n abnormale wêreld van ons abnormale getuies maak nie. Uit jou diep binneste moet jou getuienis gemotiveer word. Iemand wat besluit om vir Jesus te getuig, moet ook bereid wees om 'n voorbeeld vir Hom te wees. Ander hou dop hoe jy lewe. Terwyl ek teenoor'n drie-en-tagtige jarige man getuig het, het hy iets interessants aan my meegedeel. Die Bybel wat hy lees, sê hy, gaan oor menselewens. Hy hou hulle lewens dop om te sien of die evangelie waar is. Volgens sy mening het hy blykbaar nog nooit iemand gevind wat 'n voorbeeld van Christus is nie. Ons moet egter met hartseer daarop let dat daar baie min mense is wat 'n Christelike lewe leef soos ons dit in die Woord vind. Die man het Christus as sy Heer aangeneem nadat ons die evangelie met hom gedeel het. Dit was nie ons lewens wat hom beïndruk het om verlos te raak nie, maar die Skrif. Ek is oortuig daarvan dat die meeste wat voorheen teenoor hom getuig het, eerder 'n argument gebruik het as die getuienis van Christus. Dit is so jammer dat hy oor al die jare geen voorbeeld kon vind nie. Laat toe dat die liefde van God in ander se lewens invloei. Moenie toelaat dat die wêreld jou getuienis beheer nie, maar spreek eerder tot die hart. Laat ook jou Christelike liefde toe om in hulle in te vloei. Toe ons hierdie man ontmoet het, was hy besig om koeldrankblikkies in vullisdromme te soek. Sy hande en klere was vuil, nogtans het ons ons hande na hom uitgesteek en hom vasgedruk terwyl ons ons harte na hom uitgereik het. Laat die Here toe om ander deur jou lief te hê.

Dit is die Here se wil dat almal gered sal word. Ek dink dikwels daaraan dat as jy genoeg weet om gered te word, weet jy genoeg om te getuig. Die versekering wat ons in die Skrif vir ons eie verlossing vind, is dikwels dieselfde Skrifgedeeltes wat ons gebruik om die evangelie aan te bied. Baie keer as ons mense se omstandighede of hulle voorkoms sien, wonder ons of God hulle werklik kan red. Ja, die Here kan enige iemand red en Hy kan jou gebruik om hulle te lei. Dit is so belangrik dat ons nie oor godsdiens 'n debat voer nie, maar eenvoudig net met die waarheid getuig. Getuienislewering is nie 'n plan nie, maar 'n aanbieding van die persoon van Jesus Christus. Dit is nie die metode wat red nie, maar die boodskap. Jesus is die weg, die waarheid en die lewe. Laat ons meer op die Heilige Gees vertrou as op ons tegnieke.

Om Jesus te ken, moet jy bekeer, glo en kennis hê. Ons moet die klem en fokus op Christus plaas. Dit is baie belangrik dat ons die Woord van God in ons getuienis sal gebruik. Neem jou Bybel saam met jou as jy gaan getuig sodat jy geïdentifiseer kan word as 'n volgeling van Jesus. Mense word slegs deur die Woord oortuig. Jy moet die Bybel oopmaak en die vers aandui sodat die persoon teenoor wie jy getuig saam met jou uit die Woord kan lees. Maak seker en laat hulle dit lees of jy kan dit lees en hulle name op gepaste plekke in die Bybel inplaas. Hou die Woord van God te alle tye by jou. As jy nie die Woord by jou het nie, dui dit aan dat jy dink dat jy dit nie nodig gaan hê nie. Dra jy die Bybel saam met jou, is jy gereed om deur God gebruik te word.

As iemand sê hulle glo nie in die Bybel nie, moet jy optree asof jy hulle nie die eerste keer gehoor het nie en voortgaan om te lees. As hulle sê dat hulle nie die Bybel glo nie, sê dan : "Dan sal dit jou mos nie seermaak nie - sal dit…?" As hulle voortgaan om te sê dat hulle nie die Bybel glo nie, sê dan: "Wat is daar in Romeine 6 vers 23 wat jy nie glo nie …?" Lees die Skrifgedeelte aan hulle voor en verduidelik dat aangesien verlossing 'n vrye gawe is en dat as die hel regtig 'n plek is, dan sal hulle niks oorkom om te bid en aan die Here 'n kans te gee om aan hulle te wys dat Hy 'n werklikheid is nie.

Romeine 6
23 Want die loon van die sonde is die dood, maar die genadegawe van God is die ewige lewe in Christus Jesus, onse Here.

Kort voor lank sal jy sien dat hulle met jou gesels oor die Woord van God. Onthou altyd dat dit nie jy is wat hulle aankla nie, dit is die Heilige Gees. Dit is nie jou woorde nie, maar die woorde van die Heilige Gees. As hulle wil argumenteer, laat hulle klaar praat en gebruik eenvoudig die Woord en volstaan met die boodskap van die kruis en die Woord van God. Jy moet slegs een doelwit hê en dit is om Christus te deel met die gebruikmaking van die Woord van God. Moenie op 'n syspoor gelei word nie. Deel eenvoudig net vir Christus. Moenie jou kerk verdedig nie, maar praat eerder net oor Jesus. God is by magte om die vrug van 'n nuwe geboorte te skenk deur die Woord wat jy uit jou hart met hulle deel.

Ons moet volhard in ons getuienis en ons moet 'n patroon van volgehoue getuienis vestig. Persoonlik gaan ek byna elke naweek uit om te gaan getuig of ek daarna voel of nie. Telkens as ek begin getuig, is ek so bly dat ek wel gekom het. Dikwels as iemand gered word wonder ek wat sou gebeur het as ek nie gekom het nie. Soms saai ons saad terwyl ons getuig. Ander kere oes ons saad. Ons kan geslaagde getuies wees en ons kan op dieselfde tyd plant, bewerk en oes. Ja, ons is in 'n tyd waarin die Heilige Gees besig is om siele te oes soos wat die Woord van God gesaai word.

Amos 9
13 Kyk, die dae kom, spreek die Here, dat die ploeër die maaier inhaal, en die druiwetrapper die saadsaaier; en die berge van mos sal drup, en al die heuwels daarvan oorvloei sal wees.

Om 'n effektiewe getuie te wees, moet ons 'n uitnodiging rig deur ander na Christus toe te nooi. Dit is nodig dat ons 'n getuienishouding sal ontwikkel en besef dat God kan red en dat hy deur jou sal werk. Daarbenewens betoon 'n effektiewe getuie ook liefde teenoor alle mense. Ons moet getuig met 'n houding van begrip en nooit konfronterend wees nie. Laat ons daarop ingestel wees dat Jesus met ons is terwyl ons getuig. Jou lewe van geuienis sal nooit sterker wees as jou eie lewe in Christus nie.

Dit is nie nodig dat ons wag vir die ideale omstandighede nie, want dit mag nooit aanbreek nie. Wees net eenvoudig dapper en vol deernis met jou getuienis. Soms skep ek 'n omgewing om te getuig. Daarmee bedoel ek dat as ek my in 'n ontwrigtende gebied bevind, sal ek 'n persoon vra om uit te tree en op 'n plek te kom staan waar ons kan gesels. Soms sal iemand 'n argument met jou wil optel. As iemand hardop argumenteer, hou jy net jou stemtoon sag en die vlak van jou volume dieselfde. Hulle sal afdaal na jou volume toe. Terwyl ons getuig, moet ons volhard in die gees van kommunikasie en ons gebedslewe verder ontwikkel. Daar is geen plaasvervanger vir gebed nie.

Hieronder volg 'n aantal voor die hand liggende dinge wat 'n getuie in gedagte behoort te hou terwyl hulle in die strate is om van Christus te getuig :

MOETS

MOENIES