Hoofstuk Nege
Voorbereidingsgebed

Onderwyl jy Christus met ander deel, sal jy opmerk dat mense jou getuienis verwerp. Op 'n dag toe 'n hele aantal mense hulle nie tot Christus gekeer het nie, het ek met die Here daaroor gepraat. Ek het gevra : "Here, wat is verkeerd? Hoekom is daardie mense nie gered nie?" Die Here se antwoord was : "Jy het nie vir hulle gebid nie." Ek was daarvan oortuig dat ek van God gehoor het en dat ek nie kon wag om Christus met die volgende persoon te deel nie. Ek het ook geweet dat ek baie na Christus sou sien kom. Somtyds het hulle wat afvallig geraak het van God verhard geraak teenoor die Woord en teenoor God. Ander kere kan mense se lewens geestelik deur die vyand beïnvloed gewees het. Daarom deel ek 'n woord van gebed met hulle voordat ek die Woord met hulle deel. Ek noem hierdie gebed die "Voorbereidings-gebed."

Die Here het vir my gewys deur om saam met iemand te bid, wat ek voel 'n moeilike getuie gaan wees, die Heilige Gees daardeur in staat gestel word om toegang tot hulle hart te verkry. Die Voorberei-dingsgebed is 'n versoek vir die aanwending van die bloed van Jesus op hulle hart. Deur gebed sal die Here die vyand bind om te voorkom dat hy die getuie onderbreek. In die gebed vra ons die Heilige Gees om ons woorde duidelik en verstaanbaar te maak. Die Heilige Gees sal veroorsaak dat jou woorde diep in hulle hart indring. Daarbenewens verwag hulle ook nou dat ons iets met hulle gaan deel voordat hulle vertrek. Laastens vra ons dat hulle 'n lang lewe sal hê en lang gesondheid sal geniet soos dit in Psalm 116 vers 16 vermeld word. Verseker sal jy luister na iemand wat vir jou 'n lang lewe en gesondheid toebid. Terselfdertyd gebruik ons die krag van saamstemming met die persoon. As jy en die persoon saamstem oor jou gebed is die tafel vir God gedek om 'n wonder te doen in die persoon se lewe. In die Skrifgedeeltes hieronder sien ons die beskikbare gebedskrag om die vyand te bind (Vergelyk vers 18). In vers 19 sien ons die krag van saamstemming. In vers 20 belowe die Here om teenwoordig te wees wanneer ons in Sy naam bymekaar kom.

Matteus 18
18 Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.
19 Weer sê Ek vir julle As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.
20 Want waar twee of drie in my Naam vergader, daar is Ek in hulle midde.

Ek het die een voorbeeld na die ander gesien van mense wat my aanvanklike getuienis verwerp het en nadat ek die Voorbereidingsgebed saam met hulle gebid het na Jesus toe gekom het. Terwyl jy bid, is dit 'n goeie geleentheid om aan hulle skouer te raak of, as dit fatsoenlik is, hulle hand te hou. Ek glo dat deur aan hulle skouer te raak of hulle hand vas te hou, daar geestelik kontak gemaak word. Hulle kan God se liefde voel en Sy salwing kan deur jou in hulle hart invloei.

Wanneer ek bid, bid ek 'n soortgelyke gebed as die volgende : "Vader, in Jesus naam, vra ons dat U hulle sal aanraak en hulle harte met Jesus se bloed sal bestryk. Vader, gee hulle begrip vir my woorde terwyl ek praat en help hulle om U op 'n meer persoonlike manier te verstaan. Here, dit is ons gebed dat die Heilige Gees hulle met oortuiging sal omring en dat U genade in hulle lewe sal invloei. En, Here, gee aan hulle 'n lang lewe en gesondheid en help hulle om U al die dae van hulle lewe te volg. Here, ons vra vir 'n heining van beskerming rondom hulle. In Jesus se naam bid ons dit. Amen."

Na die gebed lees ek Romeine 10 vers 8 tot 10 aan hulle voor en maak ek ook 'n persoonlike uitnodiging waarna ek vir persoon na persoon bid om Christus te ontvang. Dit is my oortuiging dat gebed die verskil maak. Wanneer ek myself in 'n agterlike deel in die hart van 'n middestad bevind, sal ek dikwels my getuienisse met die Voorbereidingsgebed begin. Wanneer ek hulle nader en myself aan hulle voorstel, sal ek sê : "Laat ek bid en vir God vra om jou te seën." Terwyk ek vra of ek viir hulle kan bid, reik ek my hand uit en plaas dit op hulle skouer. Die meeste mense sal reageer en jou toelaat om vir hulle te bid.
Ek kan onthou toe ek vir die eerste maal die Voorbereidingsgebed gebid het. Ek het 'n vriend se ma besoek wat as terminaal siek beskou is. Dit was dringend noodsaaklik dat sy gered moes word aangesien dit nie bekend was of sy sou lewe of sterwe nie. Gesinslede en ander het probeer om Christus met haar te deel, maar sy wou nie saam met hulle bid nie. Toe ek nader aan haar bed kom en op die punt was om te bid, het ek gedink dit is belangrik dat ek die Here se leiding volg. Hy wou hê dat ek eers vir haar sou bid voordat ek 'n uitnodiging tot haar rig. Ek het 'n eenvoudige gebed gebid en toe 'n uitnodiging gemaak. Tot almal se verbasing het sy my hand vasgehou en my gebed gevolg en Christus in haar hart ingenooi. Daardie dag was die teenwoordigheid van die Heilige Gees so wonderlik en sy is gered. Ofskoon sy as gevolg van haar siekte hierdie wêreld verlaat het, het ons geweet dat sy verseker Christus ontvang het. Sy was die eerste een van duisende om Christus te leer ken deur die Voorbereidingsgebed. Laat die Here lewens aanraak soos wat jy uitreik en die Voorbereidingsgebed bid.