Inleiding

Christene het so besig geraak dat ons faal om ons kerke se uitreik buite die mure van ons kerke uit te brei. Slegs 'n paar tree van enige kerk is daar verlore, hawelose en seergekryde mense. Christene is die verteenwoordigers van Jesus Christus op hierdie aarde. Die Here wil so graag hulle in die wêreld liefhê en Hy wil Sy liefde deur jou na alle mense van hierdie wêreld laat vloei. Ons almal moet wakker wees en die Here toelaat om 'n werk in hierdie wêreld te begin. So baie kere word die Here se getuienis deur ons toedoen beperk. Kom ons verenig ons gebede vir hierdie wêreld met ons dade en deel die evangelie van Jesus Christus in ons strate.

Ek hoop hierdie Straat Univeristeit sal elkeen wat dit lees, uitdaag om hulle kerk en hulle liefde na die strate uit te dra. In hierdie boek sluit ons eenvoudige beginsels in hoe om die evangelie met verlorenes te deel. Terwyl hierdie boek bedoel is om onderrigtend van aard te wees, bid ons dat dit ook inspirerend sal wees.

Daagliks staan ek verbaas oor die Christelike liefde wat ek van ander voel soos wat ek vriende op straat maak. Die meeste van die materiaal wat ek in hierdie boek deel, is ervarings van werklike straat en deur-tot-deur getuienis. Ek het in die strate van my einste tuisdorp begin, maar gou besef dat ek nie die wêreld op my eie kan wen nie. Dit sal al die kerke van die wêreld neem om almal vir Christus te wen. Sedert die begin het die Here my gelei om kerke in evangelisasie op te lei. Ons is dankbaar teenoor die Here dat hy so baie deure vir ons bediening oopgemaak het.

Openbaring 3*
8 Ek ken jou werke. Kyk, Ek het voor jou 'n geopende deur gegee, en niemand kan dit sluit nie, want jy het min krag en jy het my woord bewaa ren my Naam nie verloën nie.

Vanaf hierdie eenvoudige begin gaan ons van kerk tot kerk om Christene toe te rus om die evangelie te deel. Ons noem ons bediening Mercy Street Ministries. Dit is ons begeerte om hierdie eenvoudige metode van evangelisasie in al die Christelike kerke van die wêreld te deel. Ons vertrou dat jy by ons sal aansluit en jou hand na jou buurman sal uitreik en begin omgee vir hulle in die strate wat jy nog nooit ontmoet het nie.

* Deurgaans word uit die 1933 Vertaling, soos in 1953 hersien, aangehaal, tensy anders vermeld

 

Evangelist Richard C. Hobbs
Mercy Street Ministries
P.O. Box 121
Alma, Arkansas 72921
U.S.A.